PROIEKTUAK
“kontZIENTZIAturik”: ZIENTZIA BESTELAKO BEGIRADATATIK BIGARREN HEZKUNTZAKO IKASGELETAN, NESKAK AHALDUNDUZ ETA MUTILENGAN JARRERA BERDINZALEAK SUSTATUZ
Bi hitzetan:
Proiektu honekin bilatzen duguna da Bizkaiko bigarren hezkuntzako irakasleei laguntzea euren ikasleengan kontzientzia kritikoa pizten euren etorkizuneko lanbidea aukeratzeko orduan dauden desparekotasunen inguruan. Helburua neskak ahalduntzea da parekidetasun erreala lortzeko eta aukera-berdintasunean garatu ahal izan ditzaten euren bizitza pertsonala eta profesionala.
Markoa:
Inguratzen gaituen androzentrismoarekiko kontzientzia kritikoa sortzea eta zientzia ulertzeko modu berriak bultzatzea bilatzen duen Sorkinen estrategiaren barruan kokatzen da proiektu hau; emakumezko zientzialariak eta emakumeen jakintzak ikusgai egiten dituen eta pertsonen eta naturaren zaintzak gure gizartearentzat duen garrantzia aintzat hartzen duen zientzia bultzatuz. “Zientzia ikasgelatik kanpo egitea bestelako begiradatatik” proiektuan metatutako esperientziatik abiatuta, hezkuntza formalaren esparrura jauzi egingo dugu proiektu honekin.
Jardueraren laburpena:
Proiektuaren helburua lortzeko, Eraldaketarako Hezkuntza eta hezkidetza oinarri dituen ikuspegiaz lan egingo dugu 2018-2019 ikasturtean zehar, ondoko jarduera hauetan:
1) “Jakintzak eta zientzia: esperientzia hezkidetzaile eraldatzaileak Bigarren Hezkuntzan” jardunaldia antolatzea, hezkuntza formalaren esparruko eragileekin lankidetzarako elkargune bat eratzeko asmoz.
2) Ikasgelan erabiltzeko jarduera-fitxak sortzea, emakumeek garatutako jakintza kolektiboa eta ezagutzak ikusgai eginez, ezagutza horiek gordetzen duten zientzia inplizitua azalduz eta ugalketa- eta zaintza-lanak balioetsiz.
#kontZIENTZIAturik traolaz zabalduko dugu proiektuari buruzko informazio guztia sare sozialetan.
